මංසලකුණු The landmarks: අපිට පිස්සු ඕයි... !!!

දවස් ගානකින් කෝල් එකක් දුන්නෙ නැති හින්ද
මම අද කෙල්ලට කෝල් එකක් දුන්න
කෝල් කරපු වෙලේ ඉදන් කෙල්ල අඩනව ඕයි
මටත් නිකන් පිස්සු වගේ

මම ඇහුව ඇයි අඩන්නෙ ඕයි කියල
කෙල්ල කියනවා "අපේ අක්ක හෙට බදිනවා ඒකයි අඩන්නෙ ඕයි"
ලංකාවෙ මිනිස්සු මැරුණමත් අඩනවා, බදිනකොටත් අඩනව
මුන් ඔක්කොටම පිස්සු ඕයි

අඩන එක නවත්තල කෙල්ල මට කියනව
අක්කට කෝල් කරල සුබ පතන්න ලු
මම කිව්ව, "මට නිකන් ලැජ්ජයි ලැජ්ජයි වගේ ඕයි"
"අනේ පිස්සෝ අක්ක කන්නෙ නෑ ඕයි"

උපන්දිනේට, සුබ උපන්දිනයක් කියනව වගේ
අලුත් අවුරුද්දට, සුභ අලුත් අවුරුද්දක් කියනවා වගේ
මගුලට, සුහ මගුලක් වේවා කියල සුභ පතන්නද කියල මම කෙල්ලගෙන් ඇහුව
තමුසෙට පිස්සුද ඕයි,
කියල කෙල්ල අහනවා ඕයි

සුභ අනාගතයක් කියල, සුභ පතන්නෙ කොහොමද ඕයි
එහෙම සුභ පතපු දවසෙ ඉදල රටම මඤ්ඤං වෙලානෙ ඉන්නෙ
පිස්සු හැදෙනව ඕයි.

බයෙන් බයෙන් අක්කට කතා කලාට
කියන්න දෙයක් ඔලුවට ආවෙම නෑ ඕයි
පැට්‍රල් වැඩි කරපු එක, බාලචන්ද්‍රන්ට වෙඩි තියපු හැටි,
ඔව්ව කියල හෙට බදින්න කෙල්ලෙක් ගෙ ඔලුව අවුල් කරන්නත් බෑ නෙ ඕයි
මට පිස්සු කියල හිතයි ඕයි

**************
ක්‍රින් ක්‍රින්
"හලෝ කවුද මේ"
"අක්කෙ මම. අක්ක හෙට බදිනවද"
"ආ ඔව් මල්ලි"
එහෙනම් ජය වේවා..!!!

මම ෆෝන් එක කට් කළා ඕයි
මට පිස්සු කියල හිතුවද දන්නෙත් නෑ
ඒත් ඉතින් මම වෙන මොනව කියන්නද